敏 妮 Talk ： 隔 兩 星 期 供 樓 一 次

農 曆 新 年 前 有 報 道 話 ， 有 投 資 者 驚 過 完 新 年 ， 業 主 會 加 價 賣 樓 ， 所 以 趁 年 尾 落 實 買 樓 計 劃 。 負 利 率 環 境 下 ， 磚 頭 成 為 搶 手 投 資 。 買 樓 要 買 得 精 明 ， 除 要 識 揀 具 升 值 潛 力 物 業 ， 一 般 打 工 仔 買 樓 ， 好 多 時 都 要 借 按 揭 ， 識 得 慳 息 亦 都 非 常 重 要 。

縮 還 款 期 慳 利 息 支 出

噚 日 睇 大 陸 網 站 ， 見 到 一 篇 文 章 ， 講 到 大 陸 銀 行 推 出 多 樣 化 房 貸 產 品 ， 滿 足 唔 同 業 主 需 求 。 其 中 深 圳 發 展 銀 行 就 提 供 「 雙 周 供 」 按 揭 還 款 方 式 ， 將 原 來 每 月 還 款 一 次 ， 變 為 每 兩 周 還 款 一 次 ， 當 然 還 款 金 額 就 會 少 一 半 ， 好 處 係 加 快 還 款 速 度 ， 由 於 借 款 人 「 hold 」 住 銀 行 資 金 少 ， 所 以 利 息 支 出 會 少 ， 還 款 期 亦 可 以 縮 短 。

其 實 ， 香 港 銀 行 都 有 提 供 呢 種 還 款 方 式 ， 就 以 借 200 萬 蚊 ， 還 款 期 20 年 ， 按 揭 息 率 3 厘 為 例 ， 一 般 每 月 還 款 方 式 ， 月 供 11092 蚊 ， 合 共 供 240 期 ， 全 期 利 息 662068 蚊 。 如 果 每 兩 周 還 款 一 次 ， 每 期 要 供 5113 蚊 ， 合 共 供 520 期 ， 全 期 利 息 658792 蚊 ， 慳 到 3277 蚊 。

雖 然 三 千 幾 蚊 對 於 好 多 人 講 ， 唔 算 吸 引 ， 但 係 1 個 月 供 款 兩 次 計 ， 每 月 支 出 係 10226 蚊 ， 即 係 每 個 月 多 866 蚊 使 。 不 過 ， 心 水 清 讀 者 會 發 覺 ， 一 年 有 52 個 星 期 ， 兩 星 期 供 款 一 次 ， 即 係 一 年 供 款 26 期 ， 並 唔 係 24 期 （ 12 個 月 x 2 次 ） ， 換 言 之 ， 有 兩 個 月 要 供 3 期 錢 ， 兩 個 月 難 免 要 手 緊 。

養 成 儲 蓄 節 儉 好 習 慣

純 以 慳 錢 角 度 睇 ， 兩 星 期 供 款 按 揭 的 確 做 到 慳 錢 效 果 ， 不 過 ， 敏 妮 認 為 ， 更 重 要 係 令 到 一 冇 儲 錢 習 慣 人 ， 可 以 隔 個 禮 拜 就 迫 佢 儲 錢 ， 仲 有 ， 要 供 3 期 款 個 月 ， 仲 可 以 迫 到 佢 節 衣 縮 食 唔 好 咁 大 使 ， 養 成 呢 個 習 慣 ， 對 日 後 理 財 有 好 處 。