街市買餸、茶檔飲茶，開飯想到的是餐廳或菜館，可有想到跑過濕漉漉街市，左穿右插跑到熟食檔搵食，為的是鑊氣媲美大餐廳大酒家的菜式；咖啡更出色過茶檔冰室茶餐廳，美味，原來真的要尋覓！
九龍城街市尋泰味
冬蔭功日賣過百
;)
泰苑 小食曾經好紅好勁，說的是報章雜誌紛紛爭相報道，然而一年、兩年、幾年之後，採訪少了、報道少了，但，人氣依舊，靠的就是「好味抵食夾大件」！環顧九龍 城，泰式食肆不下數十間，芸芸眾生中依然屹立，更晚晚旺場，招牌菜如冬蔭功更往往賣過百個，咖喱炒蟹明明每日只預備二三十隻，最後總是跑落街市補貨再入新 鮮肉蟹，以滿足食客要求，泰苑無心機做門面，無豪華裝修無靚擺設，就是熟食檔格局，全副心機精神放到食物之上，為求做出地道泰國風味，香料如香茅、香草、 青檸、辣椒、酸子等全數由泰國訂回來，廚子師傅均是泰國人，海鮮肉類材料並非甚麼外國靚貨，卻全都是新鮮游水街市貨，最重要的是，心機足料足份量足味道好 之外，價錢更是較同區的平得多。
燒豬頸肉$38
;)
新鮮豬頸肉以泰國香料加入辣椒、魚露等調成汁醃製幾個鐘後，再慢火燒成，吃時蘸點香辣汁，佐酒恩物。
;)
;)
泰式咖喱炒蟹$180
;)
新鮮肉蟹每隻有斤多重，加入大量泰國香料、辣椒等製成，味道香濃啖啖肉，每日賣出 25-30隻。
泰式炒金邊粉$35
;)
泰國酸水果、蝦米、椰糖秘製成汁，香辛酸辣夠醒神，大火快炒再加每日即炸花生，惹味！
;)
家住九龍城的阮先生（右二）常與友人來開飯：「最鍾意炒金邊粉，尤其入面啲花生，夠鬆脆，醬汁酸甜又啱啱好！」
燒魷魚$42
;)
游水魷魚原隻燒成，一隻約十両重，份量足，點自製甜酸汁，香口又鮮味。
;)
陳氏姊妹，妹妹（右）：「貪呢度夠平夠街坊，味道好又無太多味精，湯河、生菜包都唔錯！」
;)
泰苑小食（ 2716 3689）
九龍城街市 3樓 9號舖
旺角熟食大樓尋葡味
日賣 200牛腩農夫包
;)
澳門 翠苑餐廳開業四年多，位於旺角熟食大樓內，由老闆父親於澳門荷蘭園街開舖，至今少說也有幾十年，過江後的今天，老闆周先生兩兄弟亦承襲父親的高質素要求， 但款式卻變了，由大周生構思的一道咖喱牛腩農夫包，以多款葡式咖喱放入特別訂製如 BB頭般大的香脆熱辣辣農夫包內，牛腩、豬柳、雞肉等均煮得入味軟腍，更體貼地將咖喱汁盛於碗內另上，農夫包得以保持香脆。嗜包者必會對翠苑吃上癮，無 他，由跟餐的鮮油豬仔包、豬扒包到熱賣的農夫包等，全都是特別訂製，返貨後再加工烘烤而成，個個都外層鬆脆，內裏軟熟，更有一朕濃濃麪粉香，趁熱吃，超過 癮！
咖喱牛腩農夫包套餐$43
;)
葡式咖喱椰香濃不太辣，新鮮牛腩燜足三四小時，軟腍味濃，包夠鬆脆；隨餐有一碗咖喱汁、湯及熱飲，抵食！
豬扒包$15
;)
豬仔包熱辣又鬆脆，豬扒以秘製醬汁醃過後香煎，肉香汁多，媲美澳門氹仔名牌出爐的！
招牌凍咖啡$13
;)
咖啡粉乃自家調配，味濃而滑，面層灑上咖啡粉，吸吮時聞到陣陣啡香，喝到杯底都啡味依然。
葡式鮮茄牛腩湯通粉餐$26
;)
湯底用牛腩牛骨番茄蔬菜熬足五個鐘，滋味濃郁，日賣 400碗，隨餐有外脆內軟鮮油豬仔包。
澳門翠苑餐廳（ 3514 4348）旺角上海街 557號旺角熟食中心 2樓 8-9號舖
Source: appledaily
文章
