Day 3
今日會去小樽, 小樽築港
沿途風景優美
到小樽啦!!
無咩好行的"小樽都通"...
架車積左好多雪呀!
呢條一番街都係無咩好行...
行行下見到有海鮮市場, 影張相先~~
終於來到很久以前拍"情書"的"小樽運河", 係唔係每個女仔都想來這裡??
小樽運河食堂
定期剷雪的雪車
小樽倉庫
唔係好凍, 5.4度而已...
坐 JR 到小樽築港
My Cal outlet
2008年3月4日星期二
北海道難忘雪地自駕遊記 Day 2
Day 2
今日會去札幌各大百貨商場, 狸小路, 食蟹放題等... ...
街上見到的古董的士
拉麵共和國
西武
行行下因為落雪, 所以返酒店換番條雪褲, 順便放低D戰利品
呢張相是在酒店門外影出來的落雪情況
行去Sapporo Factory時沿途見到有條地下食街, 就到這裡 lunch, 非常好味, 而且十分便宜, 此餐只需 YEN690-
到左 Sapporo Factory, 個人認為沒有什麼好行, 同外面的商場差不多, 純粹影張相到此一遊
街上見到的雪人
電視搭
熊出沒注意
到薄野準備去食蟹放題!! Yeah!!!
薄野的夜生活的確比札幌精彩得多, 這裡有很多食店都開到好夜, 或24小時營業, 也少不了"松屋"同"吉野家"呢...
豐富的蟹放題開始啦!!
掛住食蝦蟹同貝類, 忽略左其他食物... ...
終於知道有一些放題叫蟹合混戰的原因, 經過 90 分鐘後, 就好似同 D 蝦蟹打完仗咁...係唔多夠時間架, 但很好味...正!!!
食完蟹放題就返酒店, 呢罐啤酒個人覺得幾好飲, 可以試試... ...
北海道難忘雪地自駕遊記 Day 1
Day 1
下午由大阪到札幌, 因為第一次坐日本的內陸機, 不知道原來是沒有飛機餐吃的, 只有餐飲, 而酒精類飲品還要付錢, 一到步就到酒店check in, 之後立即到各大商場百貨公司行, 因為20:00就關門架啦...要把握時間, 所以無咩影相...
就來降落啦...一片白雪!!
到達北海道, 興奮!!
晚上經過電視搭附近有溫度計, -0.4度, 雖然不是很低的溫度, 但對於第一次到落雪地方的我來說, 係很興奮的事呢!
北海道難忘雪地自駕遊記 8日7夜之旅
Feb 20 - 27, 2008 Day 1 (Sapporo 札幌)Day 2 (Sapporo 札幌, Susukino 薄野)Day 3 (札幌 to Otaru 小樽)Day 4 (札幌 to Asahikawa 旭川) (雪地被困)Day 5 (旭川 to 千歲 Rera outlet, 洞爺湖 Toyako)Day 6 (洞爺湖 to Hakodate 函館)Day 7 (Hakodate 函館)Day 8 (Hakodate 函館)今次旅程相當開心, 因為...第一次到北海道, 第一次感受落雪, 第一次浸溫泉(仲要係冬天落雪浸)...還有玩雪地電單車, 食蟹放題, 雪地自駕遊仲要在積滿雪的道路被困, 有些原定去的景點因天氣或交通問題沒有去等等...... 每一樣經歷, 都是難忘的體驗!原本計劃的行程:大家會見到去北海道前我們已經去左大阪4日, 而因為以往也到過大阪同埋主要都是行街購物, 沒有特別到一些景點, 也沒有影太多相, 所以不會post大阪的照片
曹仁超 - 金融股反覆升唔起
3月3日，周一。恒生指數跌746.7，收23584.97；成交811.22億元。3月期指跌895點，收23315點，低水。工商銀行（1398）跌4％、交通銀行（3328）跌4％、平安保險（2318）跌3.4％、首創置業（2868）跌3.6％、中國海外（688）跌4.1％、富士康（2038）跌6.6％；但統一企業（220）升6.7％，見4.61元，創2月4日以來最大漲幅；TCL通訊科技（2618）升14％，收33仙。
控（005）純利升21％，達191.33億美元，每股獲利1.65美元，升17.9％，表現不俗。
恒生（011）純利升幅更大，相信可支持周二恒生指數反彈；公司股價應該隨公布業績而作相應調整。
滬深三百指數升2.49％，收4790.74。貴州茅台漲價10％，收214.5元；五糧液升5.8％，收38.28元；瀘州老窖升4.7％，收75.3元；中信證券升4.3％，收65.54元；招商銀行升3.8％，收33.17元。2月29日中國證監會批准三隻新基金發行，令股票需求上升，即係炒供求。
首都機場奧運效應遭誇大
日本樓價回落，令夾板價格自2007年第二季起回落，因去年日本入口夾板減少18％，係自從亞洲金融風暴以來第二大跌幅。隨木板價格回升，瑞信推介三林環球（3938），目標價1.67元。
豐分析部認為，奧運效應對北京首都機場（694）影響被誇大，估計2008年乘客升幅只有22％、飛機升降多17％，現價吸引力一般。
高盛推介遠洋地產（3377），目標價10.61元，今年每股獲利57仙人民幣，升4.3％，O十三點五倍；騰訊控股（700）目標價60元，今年每股獲利1.33元，升65.9％，O三十六點一倍；嘉里建設（683）目標價65.6元，今年每股獲利2.47元，升14.8％，O二十一點六倍；深圳高速（548）目標價10.6元，今年每股獲利39仙人民幣，升6.1％，O十七點三倍；江蘇寧滬（177）目標價8元，今年每股獲利38仙人民幣，升23.4％，O十七點七倍；中信銀行（998）目標價5元，今年每股獲利65仙，升57.9％，O三十八點九倍；希慎（014）目標價23.6元，今年每股獲利91仙，減少1.1％，O二十四倍。
花旗推介華晨汽車（1114），2007年每股獲利11.5仙，O十一點七倍，今年每股獲利14.3仙，升23.6％，O九點六倍，目標價2.1元。中糧控股（606）2007年每股獲利33仙，O十六點六倍，今年每股獲利44仙，升31.6％，O十二點六倍，目標價6.7元。大成生化（809）2007年每股獲利34仙，O九倍，今年每股獲利28仙，減少16％，O十點七倍，目標價3.7元。銀泰百貨（1833）2007年每股獲利19.4仙，O三十二倍，今年每股獲利25.5仙，升31.1％，O二十四點五倍，目標價10.4元。金界控股（3918）今年2月每股獲利2.8美仙，O九點七倍，2009年2月每股獲利3.2美仙，升15％，O八點五倍，目標價2.7元。
基金轉用Paddle策略 由於恒指成分股及國企成分股唔少受制於Accumulator，一旦上升，便有人拋售股份；連大行亦轉向推介二線股。3月結算前，基金要跑贏大市被迫轉向二線股尋寶，令Paddle strategy又再流行。Paddle意思除以小攻大外，亦代表小步慢行，或打乒乓波都叫paddle；總之，大家意會啦。近年牛熊共舞股市中係幾有用策略；例如去年8月恒指由20000點升到32000點又回落到今年1月22000點，似唔似打乒乓波或似跳扭秧歌舞（前三、後三）。
花旗認為，依家台灣股市最有吸引力。各位如有興趣，可考慮投資台灣股票基金。
2008年至今金價升幅係歐羅及日圓兩倍，上周五已見978.2美元，距離1000美元好近了。由去年9月18日至今（美國第一次減息），金價已上升35％；白金升幅更達43％，見2214.5美元；白銀升幅係貴重金屬中最少者，因近年白銀主要已改作工業用途變成賤金屬。1999年英國前財長Gordon Brown宣布拋金買政府債券，當時金價253.2美元一盎斯，八年後金價卻翻兩番，證明高官一向冇投資智慧。最近IMF又再賣金，IMF有金103.4百萬盎斯，係美國及德國之後最大金機構。如獲一百八十五個成員國85％同意，才可賣金；如不獲通過，2010年IMF虧損可達4億美元一年，睇呢次IMF賣金要求可獲成員國通過。結果又係阿崩叫狗、愈叫愈走。
路透社估計，2007年第四季標普五百指數純利下跌20.5％（去年10月1日估計上升11.5％）。護理及科技股純利上升13％及28％，基本金屬及金融股純利下跌11％及94％。展望今年上半年，企業純利大部分仍係負增長，估計三百四十六間企業純利可能上升，四百八十七間企業純利可能回落，即2008年上半年純利下跌企業仍較純利上升企業多。
1月22日開始股市反彈，建基於聯儲局再膨脹政策（Reflation），依家已令金價、煤價及鋼鐵價格上升，但金融股則反彈乏力，反來覆去升唔起。冇金融股上升支持，整個股市便上升乏力。記得1978年新聯儲局主席米路（Miller）上任後，佢大玩貴錢（expensive money）策略，即一方面加息，一方面增加貨幣供應，令美股利率不斷上升中上升，我老曹亦學曉加息股市升、減息股市跌。1979年年底雪茄伏接任後，1980年將利率推高至21.5厘，1980年通脹率見15％後回落。家情況又點？去年9月起不斷減息，利率遲早見2厘。另一方面，聯儲局今年1月同2月向金融體系注入1600億美元短期貸款（三十天期），但唔係資金。國會批准刺激經濟計劃1500億美元，資金亦來自拍賣債券而非印刷鈔票。換言之，聯儲局由2007年9月起不斷減息，但冇改變美國資金供應速度（年率17％），即係話，貝南奇手法同1978年米路剛相反，策略係低息（cheap money），但冇加快貨幣供應速度。貨幣增長年率17％已唔算慢，但次按危機所引發債市萎縮，情況有如九十年代日股。對美國本土而言，經濟係面對通縮，令股市及樓價下跌。由於息差收窄令利差交易棄美元流向其他貨幣（或重返日圓及瑞士法郎），美元價下跌引發全球原材料價格上升。最後結果如何？估計美國通縮到某一水平又再吸引全球資金流入，貨比貨結果令美元價止跌回升，原材料價格回落。最後結果係通縮力量大於通脹，重演九十年代日本「迷失世代」機會極大，由過去流動性過剩，進入流動性陷阱。瑞銀估計，信貸市場次按虧損達4000億至8000億美元，依家撥備只有1200億美元。九十年代日本銀行危機虧損7000億美元，日本GDP只及美國三分一。上周穆估計美國樓價由高峰到低潮可回落20％（至今只回落8％），隨樓價下降，今年銀行股仍需撥備。相信美國GDP進入一段十分長時期增長率由零到2％，即爬行期。
糧食入口稅大減
2001至07年係油價狂升期，當油價升穿100美元一桶後，煤成為最便宜能源！煤唔及石油咁方便運送，但冇天然氣咁麻煩；最大缺點只係骯髒。隨科技進步，煤漸漸唔再骯髒了，改善後發電機廢氣排放量大減；加上中國同印度需求十分大，形成2008年煤價上升空間好大。
為減少食物價格上升，由摩洛哥到土耳其、俄羅斯到台灣，都大幅削減糧食入口稅。部分入口稅由原先130％減至8％，令呢D地區糧食入口量大增，支持小麥、玉米價格上升。
去年中國財政部制定「自主創新產品、政府首購和訂購管理辦法」，近日開始實施。首次明確指示，今後政府採購將優先購買國貨，擅自購買進口產品將受處罰，包括汽車及所有技術含量高產品，以激勵國內企業更多進行自主創新。
西方國家政府採購金額佔GDP 10-15％。中國政府2007年採購規模已達4000億元，在新政策下，最少1400億元採購來自國產。依家最高係美國政府，採購中50％係國產；以色列政府採購35％係國產；中國如介乎35％到50％之間，即有1400億到2000億元採購來自國產。估計最先受惠行業應係汽車業。
高科技股有苗頭
另發布「高效照明產品推廣財政補貼資金管理暫行辦法」（2007年1027號文件），政府大力度推廣高效照明產品，例如普通照明用鎮流熒光燈、三基色雙端直管熒光燈（T8、T5型）、金屬鹵化物燈及高壓鈉燈、半導體（LED）照明產品。每隻高效照明產品由中央提供貨價30％補貼，如果係城鄉居民，每隻補貼係貨價50％；估計可省電二百九十億千瓦時，減少二氧化碳排放二千九百萬噸。節能照明概念股相信可大幅反彈。
LED（半導體照明）耗電係普通白熾燈十分一，壽命長達一百倍，係冷光源、工作電壓低、體積小，無紅外線及紫外線污染。2006年LED全球市場超過70億美元，估計五到十年後，可達500億至1000億美元。日本、美國、歐盟、南韓LED冷光技術已啟動，領先技術公司有飛利浦、通用電氣、歐司朗等，中國「十一．五」計劃下亦啟動。中國工程院院士陳良惠話，2010年中國照明用電將達三千二百二十五億千瓦，如三分一用LED，可節省一千億千瓦時，即超過三峽工程一年發電量八百四十七億千瓦時。三峽工程靜態投資1000億元人民幣，動態投資2000億元人民幣，建設期十七至二十年；反而發展LED費用只係100億元。
1960年第一隻Ga Asp（鎵砷磷）紅色發光二極體誕生，發光率0.1流明╱瓦，最初用於電子表上。七十年代已提高到1流明╱瓦，顏色包括紅、黃、綠。八十年代提升到10流明╱瓦。九十年代藍光GaInN材料成功開發。2000年紅、橙區光效已達100流明╱瓦，綠色達50流明╱瓦，已用於汽車剎車燈、交通訊號燈上。中國「十一．五」發展目標係2010年發展出白光LED，光效率達100至130流明╱瓦，代替50％進口高亮晶片。對中國半導體業而言既係機遇又係挑戰。家海外歸來留學生珠三角、長三角、河北、山東、大連、廈門等地，包括中科院、工程院內院士已加入研究，希望2010年前實現半導體照明產業自主，成為第一項由中國人擁有知識產權半導體產品，然後交畀工廠大量生產。2008年高科技股應有一定吸引力，因國家政策向高科技行業傾斜。
東尼 - 鼠年股運亨通 2008 Feb 13
2008 Feb 13
無 疑 ， 鼠 年 將 會 繼 續 暢 旺 ！
投 資 者 輸 錢 ， 往 往 是 太 貪 心 和 性 急 之 故 。 假 若 你 能 持 之 以 每 月 儲 錢 ， 將 之 買 入 好 股 ， 然 後 把 所 得 的 股 息 再 投 資 ， 財 富 便 會 逐 漸 滾 存 。 若 你 夠 運 的 話 ， 可 以 小 注 投 機 博 取 豐 厚 回 報 ， 但 緊 記 要 小 心 為 上 。
很 多 散 戶 誤 以 為 投 資 如 同 坐 上 賭 下 注 。 他 們 即 使 選 中 股 票 ， 待 其 股 價 上 升 ， 然 後 沽 貨 獲 利 ， 便 又 再 尋 找 下 一 隻 幸 運 股 。 這 做 法 在 牛 市 時 無 疑 很 奏 效 ， 正 如 港 股 在 豬 年 的 強 勢 表 現 一 樣 。 但 到 了 我 們 如 今 的 環 境 ， 甚 至 在 熊 市 時 ， 玩 法 便 截 然 不 同 。
根 據 我 過 往 的 經 驗 ， 每 年 大 市 會 上 升 八 個 月 ， 餘 下 四 個 月 則 會 下 跌 。 這 估 計 或 許 有 偏 差 ， 例 如 有 可 能 是 七 個 月 升 市 ， 五 個 月 跌 市 。 但 這 不 打 緊 ， 只 是 增 長 的 幅 度 有 差 別 罷 了 。
升 市 日 子 比 跌 市 長
由 此 可 見 ， 升 市 的 時 間 總 比 跌 市 長 ， 而 且 趨 勢 大 體 是 向 上 。 環 顧 世 界 各 地 著 名 的 股 票 市 場 ， 其 指 數 走 勢 也 持 續 上 揚 。 無 奈 ， 日 曆 不 會 為 我 們 標 明 哪 個 月 份 是 升 是 跌 。 但 有 一 點 倒 可 以 肯 定 ， 與 大 市 對 幹 的 人 往 往 會 失 敗 ， 順 風 而 行 反 而 更 有 利 。
有 些 投 資 者 買 股 票 時 愛 急 功 近 利 ， 他 們 欠 缺 耐 性 ， 深 怕 失 掉 賺 快 錢 的 機 會 ， 最 終 卻 要 損 手 收 場 。 這 類 人 通 常 在 牛 市 初 期 後 知 後 覺 ， 而 且 錯 過 在 低 位 買 入 股 票 的 機 會 。
任 由 大 市 起 跌 ， 只 管 持 有 優 質 好 股 的 話 ， 你 或 許 會 錯 過 發 掘 巨 型 金 礦 ， 但 卻 不 用 因 炒 股 而 弄 得 心 驚 膽 戰 ， 當 你 無 需 日 復 日 留 意 股 價 上 落 ， 我 相 信 你 晚 上 定 能 安 寢 無 憂 。
對 於 我 經 常 推 介 豐 ， 難 免 令 部 分 讀 者 感 到 不 滿 ， 因 其 近 幾 年 的 表 現 可 謂 乏 善 可 陳 。 然 而 ， 我 深 信 豐 早 晚 會 走 出 次 按 陰 霾 ， 屆 時 股 價 定 能 重 新 起 飛 ， 更 有 可 能 再 創 新 高 。 這 情 況 就 像 九 八 年 金 融 風 暴 後 ， 其 時 豐 的 表 現 便 異 常 突 出 。
回 看 我 的 另 一 愛 股 宏 利 ， ○ ○ 年 十 二 月 未 拆 細 前 ， 股 價 約 二 百 四 十 元 ， 往 後 兩 年 開 始 徐 徐 下 跌 ， ○ 二 年 十 月 的 股 價 只 約 一 百 六 十 元 。 但 時 至 今 日 ， 即 使 最 近 經 歷 大 跌 市 ， 宏 利 的 股 價 已 上 升 至 相 等 於 五 百 七 十 元 ， 或 現 時 拆 細 後 的 二 百 八 十 五 元 。
宏 利 、 中 移 動 經 得 起 考 驗
中 移 動 亦 是 另 一 例 證 ， 在 ○ ○ 及 ○ 一 年 間 ， 其 股 價 由 十 元 急 升 至 六 十 元 ， 但 到 了 ○ 三 年 中 ， 跌 至 只 有 不 足 十 五 元 。 此 股 後 來 又 再 振 翅 高 飛 ， 股 價 曾 升 逾 一 百 五 十 元 的 高 位 ， 上 週 五 的 股 價 則 約 一 百 二 十 元 。
若 你 因 中 移 動 和 宏 利 的 大 起 大 跌 而 轉 ， 那 麼 你 已 錯 失 賺 大 錢 的 機 會 ， 除 非 你 能 幸 運 地 在 股 價 波 動 時 高 賣 低 買 。
我 發 現 在 股 海 裡 浸 淫 得 愈 久 ， 自 然 會 對 市 場 的 風 浪 不 為 所 動 。 因 此 ， 我 一 直 依 靠 基 本 因 素 來 選 股 ， 當 我 認 為 優 質 股 份 的 價 格 太 低 ， 便 會 乘 時 買 入 。
買 入 及 持 有 好 股 ， 未 必 會 令 人 一 夜 致 富 ， 卻 甚 少 令 人 虧 本 ， 而 且 長 遠 來 說 ， 股 價 早 晚 會 向 上 。 大 家 無 需 為 手 上 股 票 的 價 格 波 動 而 操 心 ， 因 為 即 使 大 市 年 內 遇 到 風 暴 ， 我 深 信 最 終 仍 會 向 好 。
祝 願 大 家 鼠 年 順 境 ！
2008年3月3日星期一
曹仁超 - 武大郎請伙記
2008-03-03
3月2日，周日。雖然貝南奇一再表示會減息，上周油價見103.05美元一桶，瑞銀降低JP摩根大通及美林純利預測，令JP摩根大通股價跌7.5％，見40.65美元，美林跌6.6％，見49.56美元。AIG公布業績好差，但股價只跌4.1％，見46.86美元。
美元上周回落2.1％，一度見1.5239兌1歐羅；兌日圓更跌3.2％，見103.74日圓。自次按危機至今，美元兌歐羅已回落13％。美國3月份減息0.75厘機會已高達72％；反之，3月6日歐羅利率會議估計維持4厘不變；澳元3月4日利率協議，估計加息0.25厘。
自1月22日起，投資者心態只係焦慮，不斷忍受壞消息衝擊，直到上周五AIG業績公布，終於忍唔住又再擲貨，令美股回落2.5％，會否開始挑戰1月22日低點？現實終於露出醜陋面目。
美股慢熊淺而長
豬年金股齊鳴，鼠年只有黃金獨領風騷。豬年金價由700美元升上900美元，鼠年將金價進一步推高，由1月24日891.65美元直指1000美元；反觀股票自去年11月起發軟蹄，一直腳軟至今。內地海通證券研究所分析師楊紅杰認為，美國呢隻熊係慢熊，至少仲要維持兩三年；至於中國股市會否受影響？木宰羊。
今天港股已唔係爭拗牛市熊市吧？美股熊市早去年12月獲確認（50天線跌穿200天線）；恒生指數50天線亦將3月份跌穿250天線，確認熊市。淡市弱勢先行，美股先港股三個月確認熊市，代表美國經濟較香港弱，未來應集中分析呢個熊市到底係「短而深」（通常插得愈深，熊市時間愈短，例如1987年10月股災），還是「淺而長」？我老曹傾向相信「淺而長」。
芝加哥ISM指數2月份跌穿50，回落到44.5，係2001年12月以來最低，代表未來日子美國服務業亦將放緩。密歇根大學消費信心指數70.8，係十六年內最低，代表美國消費者消費亦將放緩。紐約市採購經理指數為43.4（1月份47.9），連續兩個月低於50（去年2月份係70），代表未來六個月工廠訂單將減少。
美元價兌歐羅出現新低，代表通脹進一步上升（如你係高收入者，壓力較細，因食物及能源價格所佔比重低；如你係低收入者，壓力十分大，因食物及交通費所佔比重大）。美國1月份CPI升0.4％（即年率4.4％），以最近三個指數計已達年率6.8％，即短期美國CPI仍將進一步上升。原油價格達103.4 美元一桶，扣除通脹後亦較1980年時仲要高；2月份食物商品指數（Food Commodities Index）升幅達13％。
通脹率急升下減息，後果係點？雪茄伏話美國會重犯七十年代錯誤。但根據佛利民大師研究，聯儲局加息或減息，根本上唔影響油價同食物價格。食物價格上升係因國會通過乙醇計劃，刺激玉米價格上升結果。為製造二十億加侖乙醇一年，令食物價格全線上升，但增加二十億加侖乙醇又無法改變石油全球供求關係，正式搵搞。
由1月22日開始美股熊市反彈係咪已完成？無法肯定。反彈市一向詭秘莫測，熊市中只宜用30％資金去玩，不宜重鎚出擊。上周五高盛宣布去年底前已沽出Ambac（去年9月30日止高盛佔6.5％Ambac。該股由2007年5月96.1美元跌至今年1月17日4.5美元，上周五係11.14美元），唔會參加30億美元拯救Ambac計劃，令上周五Ambac股價下跌7.5％。
瑞銀分析員Geraud Charpin估計，次按危機令全球銀行撥備高達6000億美元，已公布約1600億美元；市場以前估計係3500億美元。
被穆評為三A級公司債券息率見5.62厘（1月份5.3厘），雖然三個月期隆巴特利率回落，但長息已開始上升，情況幾令人擔心。扭秧歌係前三後三（即原地踏步），但熊市華爾滋係前一後二，即完成熊市反彈後，未來跌幅一定超過之前升幅。
大行分析員基於職業上需要，估計通常較為樂觀，因此牛市中表現出色，熊市中表現卻失色。統計數字證明，一般大行分析員熊市中往往高估企業純利達30％。
例如過去美國財長曾一再強調強勢美元乃美國國策，但貝南奇卻一再減息。一個嘴巴兩片唇，上唇話好、下唇話淡。上周五美指數見73.63，係1973年有美指數以來最低。聯儲局利用壓低美元價去浮起美國房價同股價，可能適得其反。信心呢樣唔係話就、話走就走，較愛情更難捉摸。德銀話今年第一季美國經濟將十分醜陋！去年第四季美國GDP只升0.6％，而第三季仍升超過4％。減息及美元價下跌中，美國GDP係咪仍會出現負增長？
貝南奇摧世人對美元信心 雪茄伏言論更加驚人，佢認為聯儲局對美國經濟已失控！此君1980年曾一手馴伏通脹，為1982年美國製造經濟復甦條件而出名。佢認為，中央銀行係有能力馴服通脹，但卻無能力對抗通縮（日本央行已證明呢點）。貝南奇點樣對付通脹（食物價及油價）及通縮（房價同股價）同時出現？上周五《英國電訊報》以「美國一如日本進入失落年代」去形容家美國前景；我老曹睇法係Yes and No。美國依家情況類似九十年代日本，但美國唔係日本。日本工業競爭力一直好強，而美國製造業乏善可陳；去年美國金融業負債肯定較1989年日本銀行界更大；今天美國衍生市場問題亦較當年日經平均指數上市公司互控問題更加複雜。AIG公布第四季有150億美元虧損，係咪代表另一次大跌市又開始（即我老曹所形容，第二隻鞋下跌）？
貝南奇為對抗資產通縮，唔覺意製造美元危機，美元危機下，投資者從美國抽走資金，令美國資產進一步下跌；於是貝南奇又再減息，外國投資者又再抽走資產，美國資產又再下跌，呢D叫做後座力效應（你用長槍開槍，開槍時會有一股後座力，因此必須用個肩膊頂住枝槍）。睇貝南奇已Out of Luck！由佢自出娘胎到今時今日，美元已失去96.5％購買力（金價由35美元一盎斯升至973美元），佢係咪想佢任內令美元完全冇晒購買力，一如伊朗總統預測，美元只係一堆廢紙？如金價升穿1000美元，下一站將係2500美元，到時全世界經濟將陷入大蕭條（唔止衰退咁簡單）。
當次按危機一出現，全球對美國金融機構信心已開始動搖，加上貝南奇瘋狂減息行為，不但無助重建世人對美國金融機構信賴，反而摧毀世人對美元信心，認為美國政府係無賴……。今天世人唔會畀聯儲局三A評級，貝南奇都係返大學做佢經濟研究工作好D。殊仔選佢，乃典型「武大郎請伙記」（智商肯定仲低過殊仔）。
歐洲金融機構衰漸爆
上周五蘇格蘭皇家銀行宣布債券撥備數字上較12月公布數字多4.5億英鎊，公司呢方面exposure高達25億英鎊。睇繼美國之後，歐洲金融業亦開始暴露D衰，大家請扣好安全帶。瑞士再保險宣布去年第四季純利下跌87％，理由係為債務作13億瑞朗撥備。
日本仔可能已被嚇親，佢地經過九十年代迷失世代後，已變得極之小心，又再收回利差交易，令日圓價狂升，令各國金融市場本周面對銀根收緊，對日本出口業亦不利。周一日經平均指數開市表現令人擔心。
美國樓價自2006年7月回落，去年8月引發次按危機。去年12月止美國全國樓價價值減少2萬億美元，但美國消費者仲未減少消費，因兩者存在時差，並非即時反映。美國樓價繼續回落，今年1月又有二十三萬三千零一間住房被金融機構接管，令冇人居住住房超過二百萬間，足夠未來十個月供應量。依家住宅樓價仍未見底，雖然美國商業樓仍唔錯，不過亦可能接近見頂。
去年第四季美國科技股指數仍上升26％，但到今年第一季亦支持唔住而回落，真係覆巢之下無完卵？第一季除油價、金價、食物價外，難搵到逆市上升項目。
畢非德旗下巴郡公布第四季獲利29.5億美元，較2006年第四季減少17.6％，佢度搵緊繼承人，自己打算退休。唔通情況真係咁惡劣，連股聖亦宣布金盆洗手（唔玩）？Double or Quit乃牛眼投資法，如果搵唔到可贏100％利潤項目，寧可唔玩或止蝕離場（虧損15％本金）。今天除二線股外，似乎已難搵到可升100％項目（去年10月仍留股市30％資金，虧損已達三分一，即今天已經唔係三七分，變成二八分矣，由此可見過去幾個月調整幅度幾大幾急）。
高盛全球副主席羅伯特認為，依家一D巨大壞消息可能仍被隱藏，日後爆發將令今次次按危機更長更深。佢估計美國失業率可上升到6％，做投資決定要三思而行；並估計利率將降至2厘，美國GDP增長率只有1％（甚至負數）。今天美國已唔係三十年前美國，美國經濟衰退，全球都不妙。不過，唔少國家處境應比美國好，即使面對美國經濟持續走弱，佢地只會出口輕微放緩，例如中國。
控撥備幾多難估計
廣州樓市去年第四季突然遭遇冷凍，今年春節前後更一片淒風冷雨，同天氣一樣出現雪災。天河珠江新城負責人林輝清話，去年11月至今銷售人員幾乎都只拿底薪，開單成功率接近零；而去年9月人們買樓如買菜，有人一口氣買下五間。廣州房管局公布，今年1月住房平均價9766元一平方米，重返1萬元以下（12月 10586元一平方米），下跌7.75％。ING已集資3億美元計劃進軍中國房地產；瑞銀與金地集團合組房地產投資公司亦募集3億美元。外資已在撈底，不過早期進入樓市外資都被套住，仍有更多外資計劃進入內地房地產市場。合富輝煌（733）估計，今年廣州樓市將出現「量升價穩」格局，估計平均價8500元一平方米。
據數字顯示，廣州麗江花園去年10月到今年2月樓價跌幅14％到24％；中海花城灣跌幅4％到21％；中海璟暉華庭跌13％到17％；跌幅最大係翠擁華庭達30.8％。江景盤富力銀禧跌16.7％；恒鑫東和灣跌13％；芭堤水岸跌12-17％，該區跌幅最大係江南玫瑰園跌20％。家廣州有三百四十五個項目在售，貨量三萬一千三百五十七套，總面積八十二萬五千一百九十五平方米；最便宜係南沙碧桂園大戶型住宅，46萬元人民幣一套；新世界萬象新都（連裝修）4888元一平方米，嘉裕豪苑（冇裝修）3400元一平方米。
周一控（005）公布業績，分析界估計去年經營純利上升25％，至於撥備幾多無法估計，因為涉及SIV金額高達350億美元（控去年上半年獲利22％，估計全年歐洲獲利上升15％、香港升20％、東南亞升71％、拉丁美洲升25％、北美洲跌12％）。
Subscribe to:
文章 (Atom)
文章
